<< Page 10

Page 8 >>

Excalibur! (22/8/2004)

昨日係Kevin生日，結果同左佢仲有一堆莊友去左食飯，食完飯又去左飲野，點知飲完野又去左唱K!好耐未試過莊function玩咁耐，但其實我咳得好嚴重，都係為左朋友先出來通頂，(仲俾阿媽鬧左好耐，話我病仲出去)唔係就返屋企休息下。結果成晚就係K房坐左一晚，等左一晚.... 結果一晚又洗左$400，唉，好貴呀，雖然都係有人幫我出住先，但都好金，唉，真係好窮........

周顯恩部A2真係不同凡響，一拿上手，就已經覺得係二個層次，好，我還是等，等新一個generation。

看到山羊實物la, 嘩超靚! 一個字，「型」!!

由05年開始，神話又變回一個月出一隻，真開心。

Excalibur! 劈死佢!!

:: add a note

我的天文路 2 (21/8/2004)

咳死左...

自英仙流星雨開始，我不斷咁咳，那天去interview和聯天講talk那天本來都咳到死，但竟然俾我意志力控制到，只係咳左幾聲，本來都好返少少，都係自己衰，忍唔到口(唉，成個細路咁)，搞到自己又咳到死左...

呢幾日，對住個film scanner係咁scan相，好彩文俊堅話我知要set ICE，如果唔係....(雖然而家有3筒都要由頭scan過)，一張相要scan成4個字...救命呀......

昨晚改動了網頁的版面，或許是因為快到人生新的一頁吧，所以將網頁的感覺改了一改。

講返天文路，我愛上天文後便不斷找天文的書來看，最先看的幾本都是大陸的簡體字書，第一本好像是「答學前兒童問」，入面都是一些很簡單的問題，例如為什麼有白天和夜晚，大部份是科學問題。

小學一年級還是二年級的暑假，不清楚記得了，在廣州時，姨丈送了一套「十萬個為什麼」給我(他本來買給我表妹的)，當中有一本為天文卷，當時很開心的，我亦不斷咁看，我早前執書的時候拿了出來看看，看到自己當時在書上把很多簡體字的旁邊寫返繁體字，在目錄，我看見很多很多的tick號在標題旁。

小學的科學科，到四五六的級會教月的盈虧，日月食，九大行星的，同時教育電視也有相關節目，我未到四年級已經全部看過了，而且是每年都會看一次，就這樣，我幾乎識得背教育電視的內容。

三、四還是五年級的暑假，我在廣州見到「新編十萬個為什麼」，當中也有天文卷，當時嚷著要爸爸買，我花了很多口水，結果終於捧著它回香港，又是很開心。

就這樣，十萬個為什麼成為了我的基石。

:: add a note

<< Page 10

Page 8 >>